نیشتمانێک پڕ لە هەناسە

سوێند به‌ هه‌ر دڵێک که‌ ئه‌زانێت کانگای ئه‌وین له‌ کوێوه‌یه‌

به‌ هه‌ر یه‌کێک جوانی ڕەوشت و ڕۆح پێکه‌وه‌ گرێ ئه‌دا، به‌ هه‌موو دڵۆپەکانی باران و خونچه‌ی شه‌هید سوێند ئه‌خۆم
تەنیا عەشقی تۆم ئەوێ، ئیلهامی لە سەر بنووسمەوە ئەی مەزدای ڕووناکی دیەکانم
من چی نەماوە لە تۆیا ئاوێتەی نەبم، جگە خوێنت نەبێ
گەرچی من جەنگاوەری هیچ سوپایەک نیم
کە چی دەقەکانم ئەبێتە ئەرتەشی پیت و هێرش بۆ پیرۆزی و گەورەی تۆ ئەبات
بۆیە بێ گومان بە تۆ هاوژینەکەم سه‌دان هێنده‌ له‌ من دوور بیت، دڵ بێ یادی بۆ چرکه‌یه‌کیش ناسره‌وێ

سوێند به‌ ڕه‌شه‌بای به‌یانیانی پاییز، به‌ ڕۆحی دره‌ختی کوژراوی ناو تۆفان
به‌ ته‌رزه‌ی پاک کاتێ به‌ر چیمه‌ن ئه‌که‌وێ
گه‌ر ئه‌وینی تۆ شەپۆلی ئاو بێ ، من ئۆقیانووسێکی بێ بنم
گەرچی من رێژنه‌ی هیچ بارانێک نیم
کە چی کانیاوەکانم بە خوڕ ئەڕژێتە ڕۆحتەوە

سوێند به‌ ترپه‌ی دڵی کوکوختی و کۆتر
به‌ تیشکی خۆر و ئاوی کانیه‌ پاکه‌کانی ئه‌م نیشتمانه‌ی من و تۆ له‌ باوه‌شیدا گه‌وره‌ بووین
به‌ ژیانی گوڵ، سوێند به‌ جریوەی چۆلەکە کاتێ خه‌رێکه‌ ئه‌پێکرێ
من قەت ڕۆژگارێکی هێندە میهرەبانم لە تەمانما نەدیتبوو، هێندە لە هەیوانی وشەکانی تۆیا وەک ڕەهێڵە و زریان لە ڕۆحی ژنێتی منا هەڵسوێ و منیان ئاوێتەی تۆ کرد
بۆیە چه‌ندین ریڤینگی کاروان بگری دڵم زیاتر تۆی خۆش ئەوێ
ئه‌وه‌ی ئه‌وینداری تۆ بێ ، بێ شک به‌ که‌ ته‌نها که‌ژه‌یه

سو‌ێند به‌ چاوی بێئوقرەی کەناریەک، کە دەمێ لە دورگە سامناکەکانی خەونەکانیا هەڵئەفڕێ
به‌ په‌ری کۆترێک که‌ گوللەی ناهه‌قی ڕاوکار به‌ر سینه‌ی ئه‌که‌وێ
سوێند به‌ هاورێیه‌تی که‌ژه‌ له‌گه‌ڵ خه‌ما، به‌ ئیشراقاتی سپێدان له‌ سه‌ر دڵ
دەستەکانم بەبێ تۆ هێشویەک ناچننەوە
لەگەڵ ئاوازە، پڕ لە جۆش و خرۆشەکانی شەوا ساتێک سەما ناکەم
بۆ هەر کوییەک ڕێگه‌ ببڕیت، له‌گه‌ڵت دێم و ئه‌وه‌ش ده‌ستم، خۆش ویستنی تۆ بووه‌ته‌ خولیای ئه‌م دڵه‌ شێت و نامۆیەم
عەشقت پیرۆزه‌ لەلام وه‌ک ئاوی کانی سازگاره‌

سوێند به‌ نەخمەی بولبول و بۆنی لالە و شەوبۆ
به‌ هه‌ناسه‌ی پاکی که‌و له‌ کاتی قاسپه‌ قاسپیا
تاقە گوڵێکی لە گوڵزاری بیرەوەریما، گەر خۆشه‌ویستی تۆ به‌هار بێت منیش گەزیزەو نێرگزم
هەرگیز ناهێڵم هه‌تا مابم، له‌ ئامێزم ده‌رت بێنن
حا‌شا له‌ دڵ و چاویشم گه‌ر دڵی نازداری تۆ بشکێنم
لە مەستیما سۆزو میهرەبانیت بە کوڵ خەیاڵم ئەگرێنێ
فریشتەکانیش لە پەنجەرەی ئاسمانەوە گوڵاو بارانمان ئەکەن

سوێند به‌ گوڵاوی ئه‌و باخچانه‌ی، که‌ تا ئێستا هیچ بوونەوەرێک پێی تێ نه‌خستووه‌
ئەمەوێ لە ئارامگای دەروونم حەشارت بدەم، تۆ ئەو کەسەی قامەتت بە پێکهاتەکانی ناوم ئەچێ
سوێند بە هەناسەی بێگەردی مناڵە ئاوارەکانی کوردستانم
تا ئه‌و چرکەساتەی مه‌رگ دێت و ڕۆح و گیان له‌ جه‌سته‌م ده‌رئەهێنێ
باوەشت ئاسمانێکه‌ و کۆتری سپی عەشقم ئه‌لاوێنێ

سوێند به‌ گەڵا ئاڵتونیەکانی پاییز، به‌ شنەبای ئه‌م سپێده‌یه
بە کسپەی هەناسەیەکی پەنگ خواردووی ساردتر لە زریان
سوێند بە تەرزەی درەختێکی تازە هەڵچوو، کە بە سەر گێڵگەی بیابانێکی تینوودا ئەبارێ
پەموە بەفری موحیبەتم بە پەنجەرەی ڕۆحتا دائەچۆڕێ، هەتا گیانم لە بەرایە خۆشم ئەوێی
ئەوینم هەڵچوونێک نیە، لە پڕ داچێ و شیلەی نەمامی حەزەکانم هەڵمژێ
خۆشم ئەوێی هێنده‌ی شه‌پۆلی گریانم
هێنده‌ی په‌ستیم له‌ ته‌نیایی و
هێندەی گشت ساتەکانی بێداری شەوانم!

که‌ژە

18.9.2010

ROzhy La Daik bunt Piroz.21.03.2015

یادی لە دایک بوونت، ئیلهامی ئەم هەڵوێستەی پێ بەخشیم

(بۆ کە من بیر لە تۆ دەکەمەوە، کاغەزەکان بۆنی گوڵیان لێدێ )

ئەی مەزدای ڕۆح، شەو درەنگ وەختەو یادی لە دایک بوونت ئامێزم دەکات بە مەنزڵگا، بزەیەکی ئاهورایی، شیعرێکی مەست، شەپۆلی پەیڤی خولیایی، ناخ و جەستەم دەکات بە چەپکێ شنە و گەوهەرەکانی دنیایی لێ دەڕژێ ئەم یادە، ئەوەیە تامەزرۆی شەوق و گڕی عەشقتە شەوان خەیاڵ ئۆقرەی نەگرت تاوێ لە ئامێزی ئەم شەوە بەهاریەدا بحسێمەوە بۆنی گوڵ و مێخەکەکانی ئەوینت یەخەی گرتووم، تەزوویەکی گەرم بە ناو پەنجەکانمدا دەکەوێتە ڕۆحمەوە و دڵمت بۆ دەکەم بە چراخانی شار و پەنجەکانم دادەگیرسێنم دەستم دەنێمە کەمەری قەڵەمێکی ماندوو و لەگەڵ تێکپچڕانی هەناسەکانمدا ئیلهامێک لە دایک دەبێ تۆش وەکو پەپوولە لە ئامێزی خامە و وشەمدا چاو لە یەک نێ بۆ ئەم یادەت عەشقت بووەتە چرای شەوگارم، هاتووم بە دەم خونچەی شیعرێکەوە خۆشترین ئاواز بە گوێکاندا بچرپێنم، کە لە نۆتەی لێدانەکانی دڵی من دەچێ و پەیڤەکانم وەک پێکێکی درەوشاوە، مەستت دەکات هاوتووم جوانترین تابلۆ لە ژوورەکەتدا هەڵواسم، ڕۆحی هەزاران گەڵای زێڕینی لە بەردا بکەم، سۆزی ژنێکی شاعیرانەی تیا بنەخشێنم تۆش لە مۆزەخانەی بیرەوەریتدا بەهارمۆنیایەکی کزی میوزیک تابلۆی ئەو سێبەرە دەکەیتەوەو دەتباتەوە ئەو کۆڵانانەی کە لە پروشەی بەفران دەچێ و لە مێژە پیاسەیەکت تێیاندا نەکردوو

ئەمشەو چەند مەراق بە ئاوێتە بوون و شەیدا بوونم بە لە ئامێز گرتن و ماچت هێندەش مەراقم جەستەم بکەم بە هەڵبەستێک و بە تۆی دڵدارمی بسپێرم، بەڵام ئەی کائینێك لە ئەوین و ژیان، ئەی خەزنەی گریان و فرمێسکە کاڵەکانم من جەستەم ئەسیری ڕۆحێکە، کە دەمار بە دەمار خوێنی پیاوێک لە ناویاندا دێت و دەچێ وەک دوو ڕووبار چۆن نوقمی یەک دەبن و ئاوازێک دەلاوێننەوە، بارانێک دەنووسنەوە، کە چرپەی ڕازی لێدەچۆڕێ من و تۆش لە سەر پەیژەکانی خەیاڵ پەپوولە ئاسا سەفەر دەکەین لە ناو باوەشی یەکدا، وەک هەنگێک بە ناو ڕۆحی گوڵەکاندا شۆڕ دەبیننەوەو باران بە لێزمە جەستەمان دادەکوتێ لەگەڵ تۆدا بە کۆڵانەکانی بەختەوەریدا تێدەپەڕم، بە ڕێکەوت نیگاکانم دەبەیتەوە ناو ئەو باخچانەی کە ژووانێکمان تیاندا بەستووە هەر ساتەو بە ڕەنگێک تابلۆکانم دەنەخشێنی و نیگارێکم بۆ دەکێشی، کە بۆنی ڕۆحی یەکترمانی لێ دێ ئێدی نە گرمەی هەورە بروسکە، نە دەنگی شەوێکی بێدار و نە نەخمەی خەمگینی گەرووی کەناریەک، چرپەیەک ناچێتەوە گوێی وجوود من تا لەرزین تاسەی ئەو چاوانەت دەکەم، کە دەست لە ناو دەست لە نێوان دوو نیگای جاویدانیدا، توانی ڕۆحی ژنێتیم بکاتەوە و حەزەکانیش لە ژووانێکدا لە گەورەیت بڕوانن تۆ لە ناو گوڵزاری بیرەوریمدا لەگەڵ گشت ئاوازێک سەما دەکەی، دوا شەقامی خەونەکانت دەپشکنی دەمێ دەبیتە حوکمڕانی ئەفسانەیی شاری ئەوین، دەمێکی دی عەرشی عەشقمان ئاو دەدەی

منیش لێکدانەوەیەک بۆ جیاوازی نێوان خۆم..و..تۆ..و..باران دەکەم تۆ فرمێسک لە چاوەکانتدا قەتیس دەکەی، باران لە ناو دڵی هەوردا ڕای دەگرێ منیش بێ گومان وەک هەمیشە بەرگێکی لە زەردەخەنە بۆ دەدەرووم و لە بەری دەکەم جار جاریش لەگەڵ مێلۆدیەکی خەمناکدا دەیکەم بە پارچە میوزیکێک

تۆ کە هەمیشە لە ناو دڵمدا پیاسە دەکەی، کە لە گوڵزاری سینەمدا عەشق دەکەی ئیلهامی میهرەبانی دەنووسی، بە چرپەیەک دێتەوە دنیایی دڵم و خورپەی ناخم دەهەژێنی دەستەکانم پڕ دەکەی لە گوڵ و چاوەکانیشم پڕ لە ئەسرینی گەشی هیوا ئیتر بۆ پێم ناڵێی، ئەی هێمنتر لە تەنیایی، ئەی سەرابی ڕۆحە پەژموردەیەکان، ئەی شیرینترین لە هەنگوێنی ئەوین ئەم هەموو حەزەم بۆ تۆ لە چیەوە سەرچاوەی گرتووە؟ سەرتاپای ئەم شێتیەم لە کوێوە دەستی پێ کردووە؟ ئەم شیعرەم زادەی واقیێکەو خەیاڵ لە باوەشی گرتووە، لە ئەم یادەتدا بۆ ناو هەستی خۆشەویستی، وشەیان پێ پڕژاندم و هەڵوێستێکی پڕ لە عەشق و میهرەبانی، وەفا، هیواو خۆزگەیان بۆ نەخشاندی هاتووم لە سیمای پیرۆزتدا نغرۆی عەشق بنووسمەوە، بۆیە هەموو ساڵێ لە ئەم ساتەدا خەیاڵت لە ناو لانکی پەخشانە شیعرێکدا ڕادەژێنم بە لای لایە دەیخەوێنم دیسانەوە شەوەو بە ئەسپای نیگاکانم بڕیوەتە ئاسمان و لەگەڵ مۆمێکی ڕۆح سووتاو لە خەڵوەتگەی ئەم ئەوینەماندا کز دەسووتێن بە بێ دەنگی دەچمەوە ناو بیرەوەریە جوانەکانی ڕۆژانی خۆشەویستی، ئەو ساتانەی پەیمانی عەشقمان بە باڵای سنەوبەرێکدا هەڵواسی، گەڵای وەرزی خەزانمان کردە دیاری یەکەم چرکە ساتەکانی عەشق و پێکەوە بوون تا ئێستەش تاقانەکەم، لە هەر شوێنێکدا تاسەت بکەم گوڵێکی سپی تێدا دەپشکوێ قژی ڕازاوەترین هۆنراوەی تیادا دادەهێنم

ئەمشەو بە یادی جاران هاتووم خۆم هاوێشتووەتە باوەشت لەگەڵ دووبارە خۆش ویستنت، یاد کردنەوەی ڕۆژی لە دایک بوونت زمانم کرایەوە دڵم لە پەنجەرەیەکەوە ژیانی بەدی کرد ئەی کائینێك لە بەختەوەری، خەون، باران، جوانترین و پڕ واتاترین وشەکانی ئەم گەردوونە بۆ ئەم یادەت هیچ شک نابەم ڕازی دڵمی پێ بسپێرم، جگە لەوەی زەوقی ژنێکی شاعیرانە و میزاجی سۆفیەکی فەنا بوو لە عەشقت و حەزی زیکرێکی دەروێشانەی پڕ لە گزنگ، لە کانیاوی ئەوینێک، لە نێو دڵمدا هەڵقوڵاوە و پێشکەشتی دەکەم دە تۆش وەرە ئەی ئەو پیاوەی کە وەرزی تەمەنمان لەگەڵ هەست و خەیاڵدا تێکەڵ کردووە، نیگای ئەم شەوت سەراو بنی کردووم و لە ڕەگەوە هەژاندومی تۆ ئەی سێبەری هەتاوی خەونەکانم، وەرە ئەمشەو ساتێ لە خۆشەویستیدا خۆمان فەنا بکەین ئاوێتەت بم و ئاوێتەم بی، ئەی هەناسەم فریشتەییانە ماچم بکە، کە هەر وەک خەندە و لێو با لە یەکدیدا بتویینەوە وەرە بێ بیر کردنەوە، بزانە چ عەشقێک، چ میهرێک و چ ئاسودەییەک چاوەڕێتە تەنها وەرە ئەی ئەستێرەی پرشنگداری من، بیر مەکەرەوە لە ئامێزی مندا چیت بە سەر دێ، دوو دڵی، گومان، تورەیی، بێزاری، ڕەش بینی هتد.. فڕێ بدە وەرە لەگەڵ مندا با بفرین بەرەو دونیای ئەوین لە ئەم ساتەوەختەدا هاتووم تا چی شیعر و وشەم پێیە، لەگەڵ ڕۆح و هەناسەکانمدا بتدەمێ وەک دارێکی بێ پەل وپۆ، ڕووتەڵە، تا لە نێو باوەشی عەشقی ئەبەدی تۆدا گەڵا بگرمەوە و ڕۆژی لە دایک بوونت لێ پیرۆز بکەم هەتا چرپەی چاوە خەواڵوو، تامەزرۆ ڕێژەکانت ناسکتر ببیستم لە ناو ئەم شەوەزەنگەدا نیگا دڵگیرەکانم هێوەر بکەیتەوە ڕۆژی لە دایک بوونت پیرۆز، هیوای دڵە پڕ تاسەکەم، چیرۆکەکانی ئەم گەشتەم لەگەڵتدا، گوڵی سوور و سپیان پۆشیووە، دڵم ئۆقیانووسێکی هەڵچوو و تۆش ڕووباری ئاواتمی و شەپۆلی ئەوینێکی خەستم بۆ دەنێری و منیش ژیلەمۆی بزە ئەفسوناویەکانت.

کەژە

In my life I have made many errors but loving you is by far the best thing I did on this earth.

I see u, my heart drops. I hear ur voice, my heart melts. U look at me, I fall. Please catch me. I’ve fallen for u.


I don’t want to be your ‘favorite’, or your ‘best’, I want to be your only and forget the rest.




Every time I see u – I feel something in my heart,it’s like a little flame.I love u so much it now feels like there’s an inferno in my chest!



Everyone says you only fall in love once,
but that’s not true,
because every time I see you,I fall in love all over again.

ئەم ئێوارە، دیسان دڵەکەم تاسەی پیاسەی ناو شۆستەکانی ڕۆحتی کردووه

 

پێشکەش بە ئەو کەسایتیە مەزنەنی نیشتمانی دڵی داگیر کردووم 

هاوسەری شیرینم.. 

((ئەم ئێوارە، دیسان دڵەکەم تاسەی پیاسەی ناو شۆستەکانی ڕۆحتی کردووه       

تۆ ئەی تابلۆی خۆشەویستی دیەکانم، ئەی کوڕه قۆزەکەی مەڵبەندی دیاری ئاشقانم ))

لە یەکەم ساڵیادی تەمەنی پێکەوە بوون، بمبەرەوە ئەو  ڕۆژانەی  کە لە سێبەری ئەو دارانەدا تاسەی دارستانێکی تینووت بۆ 

ئەگێڕامەوە، منیش ڕازی خۆڵ و ڕازی بارانم بە گەڵاکاندا هەڵئەواسی ، چەشنێ بمنوسێنە بە خۆتەوە، کە لە گریانی مۆمێك لە توانەوەی ڕۆحیدا بە تینتر بێ

یەکەم هەنسکم لەگەڵ شنەبای عەشقی تۆ هەڵدایەوە، هەر لە ئامێزی پڕ لە سۆزی تۆدا یەکەم پیتی شیعر فێر بووم

پاشان شەپۆلە پڕ لە تروسکاییەکانی ڕۆژگار یەخەیان گرتم تۆڕیان دامە باوەشی هەڵوێستێکی بێ وێنە، لە باوەشی نەهامەتیەکاندا پێنووسەکەم دەستی گرتم، خەمەکانی نامۆیی و فرمێسکەکانمی نووسیەوە.

عەشقت هەستمی هەژاند و ووشەکانمی وروژاند، سۆزت بۆ من چرایەکی داگیرساوە

ئەستەمە پێناسە کردنی تۆ، چونکە ووشە خۆی سەرشۆڕە لە ئاستتدا.

تۆ ئەو ئەوینەی یەکەم هەناسەم پێ داێ و دوایین نیگات پێ دەسپێرم

تۆ ئەو کەساییتیە مەزنەی خەندەم تێکەڵی هەنسک دەکەی

تۆ ئەو کەسەی کە بۆ تاریکیم دەبیت بە مۆمێک، بو تینوویەتیم دەبیت بە دەریایەک

لە بارانی ڕەشی بێ هیوایمدا دەبیت بە چەترێکی پڕ لە هیوا

لەو ساتەوەی شەیدای ڕەوشتی بەرزو ئاکاری جوانت بووم، نەمامی خۆشەویستی تۆ لە ناو دڵمدا ڕەگی داکووتاوە، هەموو خەیاڵ و تێڕوانینێکم، خۆشەویستم تێڕامانە لە باسی تۆ 

هەر تۆشی فرمێسکی چاوی قەڵەمەکەمی و سووراوی لێوی ووشەکانمی و ئاگردانێکی بۆ سووتاندنی خەمە بێ کۆتاییەکانم

تۆ ئاوازی ترپەکانی دڵمی و کۆرپەی خەیاڵەکانمی

پیرۆزترین سۆزی کە لە ئەم گەردوونە جەنجاڵەدا بە دوایدا ویڵ بووم

تۆ ئەی تاقانەترین پیاو سەرکردەی ئازارەکانمی ،هەوێنی گشت ناسۆریەکانی ژینمی،

سەرتۆپی هەستەکانمی و شادی دڵی پەخشانە شیعرەکانمی

تۆ ئەو شەماڵەی کە بۆنی عەشقی لێوە دێت

خۆشەویستیمان پۆڵایەکەو بە هیچ هێزێك لە ناو ناچێ

ئای چەند جوانە پێکەوە ژیان لەگەڵ تۆ، ئەی تاقانەترین هزری ناو خەیاڵی من

ئەی ناسکترین مرۆڤی ڕووی زەوی، من لە تۆدا دووبارە ئاشنا دەبمەوە بە خەونەکانم، دووبارە دەستم دەنیمە کەمەری 

پێنووسێکی ماندوو بۆت دەنووسم وەرە با دەستی یەک بگرین بەرەو پارکەکانی ئەوین، جارێکیتر پەیمانم نوێ دەکەمەوە و پیت دەڵێم 

سوێند بە ئه‌وینێک که‌ دڵی  گوماناوی  ڕاوده‌نێت و ده‌یبه‌زێنێت 

سوێند به‌  باڵی بچکۆلانه‌ی که‌ناری که‌ له‌گه‌ڵ  گه‌رده‌لوولدا  شه‌ڕ ده‌کات 

گه‌ر خۆشه‌ویستی  تۆ سێداره‌ بێ ، تاوانبارێکی  ناودارم

سوێند بە دەریایی فرمێسکی کیژۆڵە کۆیلەکانی ووڵاتی عەشق، بە شیعر کە سەرچاوەی هەست و سۆزی دڵەی بێ گەردمە بە دونیایەك کە عەشق سەرکردەیەتی و ماچ چەکیەتی، ئەوەندە خۆشیت پێ ببەخشم تا تاڵی ڕۆژگارت بیر دەچێتەوە و یەخەت بەر دەدەن.

ئەی ئەستێرەکەی شەوگاری پڕ لە تاسەم لە ڕۆحتدا ئەو حەزە بەدی دەکەم کە ساڵانێک خنکێندرا بوون

ئەی ئەو کوڕەی تا ئەبەد پەیمانم وایە دڵت لە ڕۆحمدا حەشار بدەم، نامەوێت زەمەن وا بە خێرای تێپەڕێ و بە جێمان بهێڵێ من دەمەوێت چەند سەدەیەك خۆشم بوێی و لە ژێر پاسارێکدا ڕۆژانی پڕ لە جوانی و عەشق بە سەر بەرین.

ئەی گوڵاڵە سوورەکەی تەمەنی پڕ لە ناسۆری من، ناوی چیت بنێم کە تۆ دەوەنێکی بێ ناوی

دەڵێی کێوێکی داگیرساوی، لە ئاوێنەی گەردووندا دەدرەوشێتەوە

تۆ کە وەک تەزوو سەرتاسەری بوونم دەخەیتە جووڵە و وەک شەرم نیگاری تاسە و ئەوین دەکێشی،

ناوی چیت بنێم؟ 

تۆ کە لە شۆرەڕازی دڵمدا دەڕوێت، هەر سات کە بیرت دەکەم وەک شنەبایەک پشکۆت ئەم دڵم دادەگیرسێنی

ئەی شوشە گوڵاوەکەی 

مێژووی نیشتمانم، ژیانێك تۆی تێدا نەبێ، دڵێک کە نەتپەرەستێ، بە دڵ و ژیانی خۆمی نازانم. دە با چیتر  ئێمە چیرۆکی 

زاری عاشقان بین 

خۆشم دەویی هێندەی جوانی و خەمباری ئەم شارە نامۆییە کە ئێمەی لە ئامێز گرتووە

دوو هێندەی فروانی ئاسمان، سەد هێندەی ئازارەکانی نیشتمان.

کەژە ١٣.٦.٢٠١٤

٣.٦.٢٠١٤هۆڵندا

هه‌ر ئه‌گریم وا ئه‌زانم به‌ گریان ئه‌مشه‌و لانه‌ى وێرانه‌ى رِوحم ئه‌شۆم،

ئه‌مشه‌و به‌قه‌د هه‌موو ته‌مه‌نم ،هه‌موو هه‌ڵه‌ و تاوان و،دڵ رِه‌قی و، ساده‌ییم ، گریام، گریام بۆ گشت ساته‌كانى بێ ئاگایى رِابردوم، بۆ هه‌موو ئه‌وانه‌ى له‌گه‌ڵ خه‌ما هاورِێن وهێشتا به‌ده‌م شنه‌ باى ژیان پێ ئه‌كه‌نن، گریام بۆ عه‌شقى گوڵێك كه‌ هه‌تاوى باخچه‌ تا ئیسته‌ش ئه‌یسوتێنێ به‌لاَم ئه‌و بۆنى خۆش ئه‌به‌خشێ ، گریام بۆ هه‌موو هه‌ناسه‌ بێ نازه‌كان بۆ ته‌مه‌نى نێرگزه‌كانى بێ سه‌ وزایى ، گریام بۆ خه‌نده‌ تۆراوه‌كانى دیده‌ى به‌رزى پاكى، كه‌چى هه‌ر به‌ هیواى جوانى ئه‌ژى، گریام بۆ دڵانى دور له‌ ئاوه‌دانى و پرِ ووشكانى ،كه‌ به‌ بینینى سه‌رابى دوور به‌رده‌وامه‌ له‌ لێدان، گریام بۆ هه‌نسكى سارد و غه‌ریبى ، زۆر بێ هێز، به‌لاَم به‌ره‌و ئاسۆ هه‌ڵ ئه‌زنێ ، گریام بۆ ئه‌ورِوحانه‌ى كه‌ ماندوون به‌ده‌م رِه‌شاباى رِۆژگارو به‌ عه‌شقى سپى وه‌ خه‌و ئه‌بینن و له‌ گه‌وره‌ترین تاریكیدا ئه‌ژین، گریام بۆ هه‌سته‌ به‌ریئه‌كان كه‌ هێشتا فێرى فرین نه‌بوون و له‌ چاوى هه‌ڵۆ ناترسن ،گریام بۆ خونچه‌ى حه‌زه‌ نه‌پشكوتوه‌كان له‌به‌ر بێ ئاوى وه‌رزى بێ بارانى ، وا چاوه‌رێشه‌له‌ده‌رگاى پرِ میهرى ئاسمانى میهره‌بانى ،زۆر گریام ، وه‌ خته‌ بڵێم نه‌ما ئاوى چاوم ، هه‌ر ئه‌گریم وا ئه‌زانم به‌ گریان ئه‌مشه‌و لانه‌ى وێرانه‌ى رِوحم ئه‌شۆم، جێم مه‌هێڵن، تا بتوانم له‌گه‌ڵ سه‌فه‌رى پیرۆزى ئێوه‌ به‌رِێكه‌وم ، سه‌فه‌رى ئاو و مانگ سه‌فه‌رى گزنگ و به‌ره‌ به‌یان سه‌فه‌رى خۆرو جوانیه‌كان ، ده‌ بمبورن به‌ گه‌وره‌یى هه‌نگاو و نه‌خشه‌ى كارى ئاینده‌تان ، بمبورن تا كه‌مێ به‌هێز بم به‌ئاوێته‌ى خوینێ نوێ ودڵۆپێك له‌ دڵسۆزى كوانوى پرِ سۆزى دڵتان و له‌گه‌ڵتانا بێمه‌ سه‌ر به‌رماڵى عه‌شقى عاشقان،رِێم پێبده‌ن تا ماوم ئاوێزانى ئازارتان بم، بست به‌بستى نزاكانتان له‌باغێك له‌باغه‌كانى یاران بۆ ساتێكیش میوانتان بم ، هاورِێیه‌كى گریاو جێ ماو، گه‌ره‌كیه‌تى بۆ هه‌وارى ساف رِوناكى و به‌نورى سپى ئاشنا بێت بۆ دوا جاریش ببێته‌شه‌پۆلێك له‌ ده‌ریایى لێبودرده‌یى ...خۆ ئه‌گه‌ر وا برِیاره‌ ته‌نها بم ئه‌بێ

تاماوم بگریم و له‌گه‌ڵ گریان هه‌ڵكه‌م..................به‌ هه‌نسكى گریانیش ماڵئاوایى له‌دنیا بكه‌م .

من هه‌ر بیرت ئه‌كه‌م ، وه‌ك ســاوایه‌ك گــــڕ و گـاڵی ئــامێزی سۆزی تۆ ئه‌كه م

تۆ قەت بەنێو باخچەیەكا تێ پەڕیوی كاتێك خونچەی گوڵێ لەتاو خۆشی لەدایك بوون و هاتنە نێو دنیاوە پێ ئەكەنێ‌..؟

تۆ پەپولەت بینیوە چەند بەناسكی سەما بۆ گوڵ و شەونم ئەكات ؟

تۆ قەت بولبولێكت بینیوە كاتێك لەسەر چڵی نەمامێك سەرمەست ئەبێت و گۆرانی بۆ گەڵا جوانەكانی ئەڵێت و بە چەهچەهەی لقی دارەكان ئەهێنێتە جۆش ؟

دەی كاتێك پایز دێت و خەزان لێی ئەدا ئیدی هەرچی جوانی و پیروزیەكانی پەپولەو بولبول هەیە ئەیداتە دەست مەرگ !!! مەرگ ، بەڵێ‌ مەرگ ...!!!

ئەوە ڕاستی ئەو ژیانەیە كە ئێمە تەنها بەدیوی دەرەوەی فریومان خواردووەو دیوی شارەوەی نابینین..

هاوڕێكەم..

بەجێهێشتنی ئازیزان هەرچی لەزەتی ژیان هەیە لێت ئەسێنێتەوە هەربۆیە من دڵم بەژیانێك خۆش ناكەم كە ووشەی مردن و جێهێشتن و فیراقی تیابێت

تەنیاییت باش تاقانەترین پیاو ٠ تەنها ماچێکت بەهەموو عەرشی ئیمپڕاتۆرەکان ناگۆڕمەوە ٠

Hi my sweet love :P

hihii :P :D

Azanm lawatay ba yak gashtuynw pekawa azhyn chytr awanda sardany era nakay,

har chand am bloggeraman bo mn xoshawistryn jegaya la dunyaya, leraya atwanm hamu hastakanm la chand wshayaky wshkw be gyan da qalb rez bkamw rstayaky hazharyan le pek bhenm.

Ta mn habm bloggerysh haya chunka amawe hamu shta xoshw naxoshakany zhyanman leraya tomar bkam wak yadgaryak, haa birta atwt ka mndalyshman bu bloggery pishan ayaynw pey aleyn ka xoshawisty ema chonw chy bua albata wak hamu ashqakany dunya baxchay xoshawisty emash guly jwanw gashaway grtua ballam lagal awasha henday mezhuy xoshawisty azar, xam, frmesk, shawany bedary, pekanyn htd.. teyda bua. Wak bafrysh be gard nabua barzw nzmy zhyan emashy grtotawa ba hamu aw alozyanaw aw dzhwaryanay ka la har wistgayaky zhyana boman pesh hatua ba estashawa sat dway sat xoshawistyman zyatr para asenew baxchakaman guly gashawaman bo agre.

(( Xwenary aziz abinm ka ama aw bloggera nhenya nya ka ema ley gasht buyn, era jegay zhwany du ashqy namow dl pr la azar bu boya away ayxwenytawa zor dadparwarana lagal hastakanma bdwe, dlnya ba chirokakanw hastakany ema hande jar tushy be dasalaty, be brway, be hasty, azar, dl gawray, narm w nyani, be hiway,.. bgra chandaha shtyrysht aka. Ka abinm hasteky mn leraya bua ba hawrey kasek mabastm toy xwenara zor dl xosh abm chunka abinm hastakanm lagal kasaneky nanasa bua ba haw dam ja itr to chon la yak danaway bo akay awayan tab3an la arazuy to daya tanha dadaparwar ba.)

داگیرم كه‌ به‌هه‌موو هێزی خۆت من به‌م ئازادیه‌یی كه‌هه‌مه‌ دڵگرانم ! وه‌ك خۆری ده‌م چیاكان ئاوامه‌به‌ منداڵانه‌ بۆهاتنت وڕكم گرتوه‌ ...

هێرشه‌كانت با هه‌مه‌ لایه‌نه‌ بێت ئه‌قڵ و دڵ به‌یه‌كه‌وه‌ داگیر كات من بێزارم له‌ ئه‌قڵو دڵم ئه‌گه‌ر تۆ نه‌ بیت من سه‌حرایه‌كی بێ پیتم ...

له‌ دیلیه‌تی تۆدا زۆر ئازادم ویلایه‌تی داگیركاری تۆ بازۆر تر بڕوات قوڵتر به‌ناوما بچۆره‌ خواره‌وه‌ شاده‌ماره‌كانم یه‌ك یه‌ك یه‌خسیركه‌ ...

چه‌ن ئاسوده‌م به‌توڕه‌ بونه‌كانت له‌كاتی هێرشدا جوانتر ئه‌نوێنیت هه‌میشه‌ ئاره‌زووی داگیر كاریت ئه‌كه‌م چ جه‌نگاوه‌رێكی دلێری ...

هەرگیز ئەو کەسە مەکە قوربانى بەرژەوەندیەکانت کە تۆى خۆشەوێ چونکە دڵنیابە ئەو هەموو بەرژەوەندیەکانى قوربانى تۆ کردووە .

هه‌ندێك که‌س رقیان لێمه‌وه‌هه‌ندێکیش ئاشقی منن هه‌ندێك وه‌ك که‌سێکی باش من ئه‌بینن وه‌ هه‌ندێکی تریش وه‌ك که‌سێکی لـه‌خۆبایی ئه‌مبینن هه‌ندێك به‌خراپه‌باسی من ئەکه‌ن هه‌ندێکیش به‌شێوه‌یه‌کی جوان باسم ئەکه‌ن ئاشقی که‌سایه‌تی خۆمم لةبةرئه‌وه‌ی خه‌ڵکی زؤر زیاترله‌خۆیان بیێوه‌ی سه‌رقاڵن

متمانە : گۆزەیەكە لێوڕێژ لەئاوی سازگار.

ئەشێ مردن تەنها خەمێکی ئاسایی بێت ، کە ئازاری تۆ ئەمگرێنێ
بیرت بێ بەرلەوەی ڕێگا بەرەو ژوانێکی تر ببڕی، ئاوەنگی سەر تاسەو حەزەکانت بە گزنگ بسپێرە
چونکە هەرگیز  لەوێ  دڵێ نیە وەك دڵەی من خەمت هەڵگرێ 
ئاخۆ ئەبێت چی لە عەشقی سەرەڕۆم کەم، کە وەك گوڵ چۆن تینووی دڵۆپە بارانێکە ئاواش عەشقەکە شێتەکەی من تامەزرۆی جەستەیەکی ترە
دڵم پێت بەخشی کە لە باتی خۆم بیلاوینی نەك وردو خاشی کەی
نەفرەت لە ژیان و ئەوین کە چەند ناپاکە، جەستەو دڵی کچێکی نامۆ وا لە خاچ ئەدا 
دە پێم بڵێ ئەی خەونە بە ئازارەکەی من، کام دەنگ وەك دەنگی من بە سۆزەوە لەگەڵت دواوە؟ 
کام دڵ تا ئێستا وەك دڵەی پڕ حەسرەتم لێت بووراوە؟
کاتێک گێژاوی خەیاڵ لە باوەشی پڕ لە مەینت و دەرد لە نیگایەکدا تۆقاندمی
.ئەوسا زانیم لە ئێوارەیەکی پڕ خەمدا کۆکراوەی خۆم کۆ ئەکەمەوەو ڕێگای مان و نەمان ئەگرمە بەر

کەژە
05.11.2014

(متمانە : گۆزەیەكە لێوڕێژ لەئاوی سازگار )

Azany dltangy la kwedaya?
La zher aw dastay ka shawan la zher sartaya.

ئه ى ئه و كه سه ى هه موو جه ژن و خؤشێيه ك له چاوانتا به دى ئه كه م ڕۆحم شيرينى جه ژنه لێم وه رگره هەناسە كه م

ئاسمانێک پڕ لە سڵاو، بەهاڕێک پڕ لە گوڵاو دەریاێک پڕ لە سۆز، جەژنی قوربانت پیرۆز



جه‌ژن و شادی دوو ده‌سته‌واژه‌ی جوانن
پیرۆزه‌ له‌و دڵانه‌ی هه‌میشه‌ له‌ دڵم میوانن

تۆ هه‌ناسه‌ی بۆ ژیانم
تۆ خوێنی بۆ دڵ و گیانم
تۆ ڕوناكی بۆ چاوانم
تۆ زه‌رده‌خه‌نه‌ی بۆ لێوانم
جه‌ژنت پیرۆز ئه‌ی هه‌موو گیانم

گوڵی باخانم ئه‌تۆی
ڕۆحی ڕه‌وانم ئه‌تۆی
مانگی چوارده‌م ئه‌تۆی
جه‌ژنت پیرۆز بێت كه‌ هه‌موو دونیام ئه‌تۆی

خه‌ڵك بۆ رۆژى جه‌ژن نامه‌ ئه‌كه‌ن به‌ پيشه‌
به‌ڵام خۆشه‌ويستى تۆ جه‌ژنى منه‌ هه‌ميشه‌

به‌ هێمنی سه‌يری شه‌وقی مانگ بكه‌
به‌قه‌د جوانی ئه‌و ديمه‌نه‌ پیرۆزبايم قبوڵ بكه‌

زۆر حه‌ز ئه‌که‌م له‌گه‌ڵ تۆدا
قاوه‌ی تاڵیش بخۆمه‌وه‌
زۆر به‌هیوام روو به‌ رووی تۆ
شیعری جه‌ژنم بخوێنمه‌وه‌
چونکه‌ گوڵم له‌گه‌ڵ تۆدا
قاوه‌ی تاڵیش لام شیرینه‌
دڵنیام شیعرم له‌ رووی تۆدا
کتێبێکی زۆر به‌تینه‌
جه‌ژنت پیرۆز هه‌ناسه‌که‌م
تۆ جوانترین ئۆقیانووسی
خۆشم ئه‌وێی زیاتر له‌وه‌ی
له‌و شیعره‌ما بۆتم نووسی

  :Pتا 5 رۆژى تر سه يرى خواره وه مه كه
.............................
.........................
......................
.................
... ..............
...........
......
...
......
...........

;Pچی بوو تاقانەکەم خۆت پێ ڕا نەگیرا 

  ;Pدە قەیناکە جارێ ئەم گوڵەم لێ وەربگرە، ئینجا بڕۆ خوارەوە 

..........   

     

-----------------------------   --------   

  -----------------------    

-----------------------------------    

-------------------  

---------------------------------    

-----------------------------------      

=================      

]]]]]]]]]]]]]]]    

-------------------------------]]]]]]]

----------------------------    
---------------------------------
[]]]]]]]]]]]]]]]]]]]]]]
[]]]]]]]]]]]]]]]]]]]]]]]]]]]]]]]]]]]]

][[[[[[[[[[[[[[
[]]]]]]]]]]]]]]]

:Pئينجا بلێ كه له ڕه قيش نيم
==
===
====
====  =
====  =
====
====

-========--------------
]-=]]]]]]]]]====================
==-----------------------===================
==============

===
====
====  =
====  =
====
====

-========--------------
]-=]]]]]]]]]====================
==-----------------------===================
=============

;Pئای حه زت لێيه بزانی
hihii
+++
++++
+++++
++++++
+++++++
++++++
+++++
++++
+++
++
+
........................
......................
.............................................

++++

++++++

+++++++

++++++

+++++

++++

+++

++

+

........................

......................

.............................................

.............................................

\]]]]]]]]\\]\]\\]\]\]]\]\]\]
.............................................

;P شێتە گیان  ده ره نجامه كه ى چى بوو له ئەستۆى خۆته
.  +.  +.  +
++++++++++++++++
+++++++++++++++++++++++
++++++++++++++++
                                 
                                                  ===

====
====  =
====  =
====
====

-========--------------
]-=]]]]]]]]]====================
==-----------------------===================

=============     

..............................​.................

..............................​...........

..............................​.....

.............................

............................

................

................

...........

....

.

 خۆشم ئەوێی

له جوانترين بۆنه دا
له ئارامترين سبێده دا له بايزێكی بێوێنه دا
به دڵێكی بڕلە سۆز ...ئه م چەپکە گوڵت پێشکەش دەکەم

به نامه يه ك ڕوو له چرای دڵت ئە كه م
به چركه يه ك هه زار جار

خۆمت بەقوربان ئەکەم