خۆشم ئه‌وێی شیرینه‌که‌م

ئه‌تۆ په‌رژینی باغ و ده‌شتی تاســــــه‌‌ی
ئه‌تۆ بۆنی بزه‌ و عه‌تری هه‌ناســــــــه‌‌ی
ئـــــــــه‌تۆ خه‌رمانی هه‌ور و مۆمی یادی
گوڵی، به‌ندی دڵی، که‌وباڕی تاســــــه‌‌ی 
• • •
ئـــــــه‌من خه‌نده‌ی شه‌و و گۆڕی خه‌یاڵم
ئـــــــــــه‌من ڕووباری لێڵ و خه‌ونی کاڵم
ئـــــه‌من هه‌ڵدێری ژیان و شه‌ونخوونیم
خـــــه‌‌مم، ده‌ردم، په‌ژاره‌ی دووره‌ ساڵم
• • •
ئــــــــــــــــه‌تۆ چاوی دڵ و عه‌تری سڵاوی
ئـــــــــــــــه‌تۆ شاری بزه‌ و هێزی هه‌ناوی
ئـــــــــه‌تۆ بارانی عه‌شق و بۆنی ژوانی
شه‌ڕابی، شه‌ونمی، هێشووی هــــه‌تاوی
• • •
ئــــــــه‌من تابووتی سینگ و گۆڕی چاوم
ئــــــــــــــه‌من به‌ژنی شه‌و و داوی پساوم
ئـــــه‌من مه‌رگی بزه‌ و ئه‌سرینی ده‌ردم
هـــه‌‌ناسه‌م، دووکه‌ڵم، شووشه‌ی شکاوم 
• • •
ئــــــــــه‌تۆ شابسکی عه‌شق و پێکه‌نینی
ئـــــه‌تۆ چه‌پکه‌ی بزه‌ و ئاهه‌نگی ژینی
ئـــــــــــــه‌تۆ باغی هه‌زار ئاوازی هیوای
گـــــــزینگی شه‌ونم و لووتکه‌ی ئه‌وینی
• • •
ئـــــــه‌من جۆگه‌ی خه‌م و هاڵاوی شینم
ئــــــــــه‌‌من هه‌وری ته‌م و کڵپه‌ی برینم
ئه‌من گۆمی هه‌نیسک و چۆمی تاسه‌م

په‌ژاره‌م، مه‌ینه‌تم، ته‌رمی ئــــــه‌‌وینم