23-03-2011

خۆشم ده‌وێی

خۆشم ده‌وێ ی به‌قه‌ت عه‌شقی په‌پوله‌ بۆ گوڵ

کاتێ ئاوێته‌ ده‌بن به‌ خۆشه‌ویستی یه‌کتر پڕ به‌ دڵ

خۆشم ده‌وێ ی به‌ قه‌ت عه‌شقی دایک بۆ منداڵ

کاتێ ده‌م و مه‌مکیان تێکه‌ڵ ده‌که‌ن به‌ شیری حه‌ڵاڵ

خۆشم ده‌وێ ی به‌قه‌ت عه‌شقی کورد بۆ نه‌ورۆز

کاتێ له‌ به‌هاردا ئه‌م جه‌ژنه‌ له‌ یه‌کتر ده‌که‌ن پیرۆز

خۆشم ده‌وێ ی ...

به‌قه‌ت عه‌شقی (په‌شێو) بۆ کوردستان و ( کوردستان)

کاتێ شیعری کرده‌ نان و ئاو بۆ خۆشه‌ویستی هه‌ردوکیان

خۆشم ده‌وێ ی به‌قه‌ت عه‌شقی ده‌م بۆ ماچ

کاتێ روحیان تێکه‌ڵ ده‌که‌ن به‌ هه‌ناسه‌و لێویان ده‌ده‌ن له‌ خاچ

خۆشم ده‌وێ ی به‌ قه‌ت عه‌شقی خودا بۆ پێغه‌مبه‌ره‌کان

کاتێ له‌ دونیایه‌کی پڕ تاوان موژده‌ی به‌هه‌شتی پێ دان

Geen opmerkingen:

Een reactie posten