به‌یانیت باش،له‌خه‌و هه‌سته گوڵی دڵ
خه‌ریکی نه‌غمه خوانێ بولبولی دڵ
دوچاوی مه‌ست و به‌خومارت هه‌ڵێنه
هه‌تاکوو دابمرکێنێ کوڵی دڵ
به‌یانیت باش،له خه‌و هه‌سته، هه‌ناسه
هه‌ناسه‌ی پڕ له ئاوات و له تاسه
ده هه‌سته ،ده‌ی له ناو باغی دڵمدا
قه‌ده‌م لێده،ده‌گه‌ڵ هه‌ستم پیاسه
به‌یانیت باش،دڵم،سۆمایی چاوم
نه‌سیمی به‌ربه‌یانی پێش هه‌تاوم
به فێنکایی هه‌ناسه‌ت باوه‌شێنێ
بکه فێنک،هه‌موو جه‌رگ و هه‌ناوم
به‌یانیت باش،به قوربانی خه‌وت بم
فیدای زولفی وه‌کوو تاری شه‌وت بم
ده هه‌سته ،خۆر هه‌ڵاتۆ ،بمدوێنه
فیدای قاسپه‌ی وه‌کوو خاسه که‌وت بم
به‌یانیت باش،گوڵی ئه‌شعاری خاڵه‌ی
ئومێد و ئاره‌زوی ئه‌و ژینه تاڵه‌ی
له‌ناو گوڵزاری شێعری خاڵه،تاکی
که بۆنخۆشتر له به‌یبوون و هه‌ڵاڵه‌ی
Geen opmerkingen:
Een reactie posten